TERA NAAM

Jis Ki Jhankar Main Dil Ka Aram Tha Wo Tera Naam Tha
Mere Honton Pe Raksaan Jo Ek Jaam Tha Wo Tera Naam Tha,

Mujh Se Mansoob Thin Dastanain Kae" Ek Se Ek Nae
Khoobsurat Magar Jo Ilzam Tha Wo Tera Naam Tha,

Dost Jitny Thy Naa'Ashna Ho Gay Paarsa Ho Gay
Jo Mere Sath Ruswa Sar-E-Aam Tha Wo Tera Naam Tha,

Log Mujh Ko Sharabi Kehty Rahy Dhol Bajty Rahy
Mere Nashy Ka Baiys Jo Ek Jaam Tha Wo Tera Naam Tha,

Subha Se Shaam Tak Jo Mere Paas Thi Wo Teri Aas Thi
Shaam K Baad Jo Kuchh Lab-E-Baam Tha Wo Tera Naam Tha,

Yoon To Qudrat Hamesha Rahi Mehrbaan" De Diya Sara Jahan
Yeh Jo Sab Se Bara Us Ka Inaam Tha Wo Tera Naam Tha,

Tere He Naam Se Hai "QATEEL" Aaj Bhi Shayeri Ka "Wali"
Us K Shaiyron Main Kal Bhi Jo Ilhaam Tha Woh Tera Naam Tha !